ФОТО: Реал Мадрид го претстави турското фудбалско чудо Арда Ѓулер
Реал Мадрид и официјално го објави доаѓањето на младиот турски фудбалер Арда Ѓулер (18), кој доаѓа од редовите на Фенербахче.
„Кралевите“ го претстави своето ново засилување во свечената сала на стадионот „Сантијаго Бернабеу“.
– Сакам да станам легенда на Реал Мадрид. Многу клубови ме сакаа, но одлучив да се приклучам на Реал. Ова е најголемиот клуб на светот – се зборовите на Ѓулер.
Ѓулер е веќе голема ѕвезда во Турција, има 2,2 милиони фанови на Инстаграм – толку имаше пред да се пресели во Реал.
За Фенербахче настапи 51 пат, постигна девет гола и запиша 12 асистенции. За турската репрезентација дебитираше во 2022 година на 17 години, а на 19 јуни стана најмладиот стрелец на репрезентацијата во историјата.
👕 @10ardaguler 👕#WelcomeArda pic.twitter.com/7erUFtinY3
— Real Madrid C.F. (@realmadrid) July 7, 2023