Кејт Мидлтон денеска повторно беше забележана во јавноста во друштво на нејзиниот сопруг, принцот Вилијам, пред замокот во Виндзор.

Фотографите успеаја да направат нови фотографија од принцезата од Велс, чие закрепнување по операцијата на абдомен што ја направи на 16 јануари во Лондон, постојано е под огромно внимание на светската јавност. Но, на фотографиите може да се забележи како Кејт им го врти лицето на фотографите.

Инаку, принцот Вилијам се упати на прославата на Денот на Комонвелтот во Вестминстерската опатија во Лондон, на која не се очекува да присуствува Кејт, пишува „Дејли мејл“.

Нејзиното појавување доаѓа откако Кенсингтонската палата објави фотографија со Кејт и нејзините три деца за Денот на мајката. Бидејќи на сликата има голем број грешки, принцезата конечно се огласи и објасни дека како и многу фотографи аматери, таа повремено експериментира со уредување на фотографии. Зад објективот беше принцот Вилијам, но монтираната фотографија започна низа нови теории на заговор.

Експертите за односи со јавноста ги повикаа претставниците на Палатата да ја објават немонтираната фотографија и да се обидат да ја вратат довербата на јавноста. Палатата е обвинета дека ја криела вистината зад фотографијата, а фотографијата била и повлечена од агенцијата „Прес асосиејшн“ поради дигитална манипулација.

Kate is pictured leaving Windsor Castle in car with William as she heads for ‘private appointment’ – while Prince makes his way to Commonwealth Service at Westminster Abbey https://t.co/AvKwpGbyMK pic.twitter.com/2haLXHkHJc

— Daily Mail Online (@MailOnline) March 11, 2024

Властите го потврдија датумот: Познато е кога Кејт Мидлтон ќе им се врати на обврските