Најромантичниот ден за многумина е 14 февруари, Свети Валентин или денот кој уште се нарекува „Ден на вљубените“. Затоа многу парови решиле токму на овој ден да ја крунисаат својата љубов и да го кажат судбоносното „да“ на своите сродни души. Меѓутоа, некои од нив сфатиле дека не ја нашле љубовта на својот живот, па нивните бракови пропаднале.

Адријана Лима и Марко Јариќ

Светскиот супермодел и кошаркарската суперѕвезда се венчаа на 14 февруари 2009 година во Вајоминг, а нивната љубов беше крунисана со раѓањето на нивната ќерка Валентина. За жал, пет години подоцна, поранешниот пар објави дека се разведува, а разводот беше финализиран во 2016 година.

Мег Рајан и Денис Квејд

Кога американската актерка реши да се омажи за холивудскиот заводник во 1991 година, сите помислија дека тоа е пар како од рајот. Затоа многумина беа шокирани кога Мег и Денис, кои во тоа време веќе имаа едно дете, се разведоа по девет години брак.
Причината – Мег го изневерил сопругот со Расел Кроу.

Шерон Стоун и Фил Бронштајн

Гостите на венчавката на парот мислеле дека присуствуваат на голема забава за Денот на вљубените, организирана од Шерон, само за да дознаат дека всушност биле на нивната венчавка.

Тие посвоија и дете, но по шест години се простија еден од друг.

Кери Расел и Шејн Дири

Сите се надеваа дека славната Фелисити ја нашла својата среќа кога во 2007 година решила да се омажи за долгогодишниот дечко Шејн. Таа тогаш беше бремена, но по речиси седум години брак и уште едно дете, парот објави дека се разделува.

Успешно го криеја тоа неколку месеци – објавија дека се разведуваат во декември 2013 година, но всушност беа разделени од летото истата година.

Принс и Мејти Гарсија

Познатиот музичар и неговата сакана се запознале на неговиот концерт во Шпанија, а шест години подоцна, на Денот на вљубените, се венчале.

Истата година се венчале, добиле и син кој се родил со тешка болест, а починал една недела подоцна. Не долго потоа Мајт повторно забременила, но имала спонтан абортус. И тоа е она што им го скрши бракот.

– Верувам дека кога ќе ти умре детето, тоа или ја прави двојката посилна или не. Ми беше многу тешко да продолжам понатаму, а мислам дека тоа нѐ скрши како двојка – изјави тогаш таа.

По смртта на пејачот таа изјави дека отсекогаш го сакала, а тој сега е со нивниот син.