ФОТО | Младата стилска икона со нов изглед: Зендаја ги украде сите погледи на црвениот тепих во Париз
Новата стилска икона, како што многумина ја нарекуваат, воодушеви со незаборавните модни изданија на турнејата на вториот дел од филмот „Дина“, а јавноста не мораше долго да чека за нејзините нови модни експерименти.
Во последниве недели, Зендаја беше на промотивна турнеја за нејзиниот нов филмски проект „Предизвикувачи“, која ја започна во Сиднеј, Австралија.
Таа деновиве пристигна во Париз со филмската екипа, и покажа сосема ново модно издание, но и фризура. Имено, 27-годишната актерка реши да ја промени бојата на косата и стана русокоса. На премиерата на филмот во Париз се појави со долги и внимателно обликувани локни.
Новиот изглед беше проследен со интересен моден избор. Сите погледи беа вперени во неа и поради беспрекорниот бел фустан со храбар детаљ од интересен кожен ремен на половината.
Станува збор за креација дизајнирана токму за неа од дизајнерот Николас Гескиер, шеф на францускиот бренд „Луј Витон“, чиј нов амбасадор е таа.
Комбинацијата ја надополни со накит од брендот „Булгари“, односно пристојни обетки и дијамантско ланче. Инаку, за изданијата на Зендаја на турнејата на филмот „Предизвикувачи“ се погрижи нејзиниот долгогодишен пријател и стилист Ло Роуч, со чија помош стана модна ѕвезда која речиси и да нема конкуренција на црвениот тепих.
ФОТО | Зендаја посрамотена, ресторан во Рим одби да ја прими: Не може да влезеш вака облечена