Мадона преку социјалните медиуми им напиша трогателна порака на своите деца, еден месец откако беше хоспитализирана поради бактериска инфекција, која ги вознемири нејзините верни обожаватели.

„Љубовта кон семејството и пријателите е најдобриот лек“, напиша 64-годишната пејачка, заедно со неколку фотографии од синот Дејвид и ќерката Лурдес.

Таа им се заблагодари на своите деца Дејвид, Лурдес, Роко, Мерси и близначките Стела и Естера, за поддршката и истакна дека како родител можете „да се справите со потребите на вашите деца и со навидум бескрајното давање“, но овој пат нејзините деца навистина се покажале.

„Ја видов нивната страна, каква што досега не сум ја видела. Тоа ми беше важно“ напиша таа.

Познатата музичарка сè уште не ги открила деталите за хоспитализацијата, но нејзината состојба е сè подобра, со оглед дека објавува нови фотографии и видеа.

„Сфатив колку сум среќна што сум жива“, додаде.

Мадона е итно примена во болница: Нејзината турнеја се одложува

Мадона е итно примена во болница: Нејзината турнеја се одложува

ВИДЕО | „Можам барем малку да танцувам“: Мадона закрепнува по излегувањето од болница