„Денот без панталони во метро“ повторно се одржа во Лондон, Велика Британија. Жителите на градот уште еднаш се соблекоа во долна облека како дел од легендарното годишно возење со метро без панталони, пишува „Дејли мејл“.

Стотици полуголи луѓе вчера излегоа во лондонското метро за да учествуваат во традицијата. Организаторите на настанот се сретнаа со учесниците во Чајнатаун, Сохо, во 15 часот, а потоа продолжија  до најблиската метро-станица, каде сите се соблекоа – и покрај очекувањата за голем штрајк на вработените во лондонското метро – кој сепак беше прекинат. Учесниците ја носеа својата најинтересна и најшарена долна облека.

Но, се чини дека не сите корисници на метро-превозот се свесни за овој настан, па многумина беа шокирани бидејќи се опкружени со делумно облечени патници.

Инаку, сите лондончани знаат дека постојат одредени непишани правила за учество на овој настан. Еден од нив е дека не смеете да гледате во туѓата долна облека и дека е подобро да избегнувате контакт со очите. Исто така, не е дозволено да се носи танга или провокативна проѕирна долна облека.