Британската манекенка Кејт Мос (49) беше една од најангажираните фотомоделки во деведесеттите години на минатиот век, а денес е глобална амбасадорка на „Британскиот совет за убавина“ („British Beauty Council“).

Фоторепортерите неодамна ја фотографирале по ноќно излегување во Сохо, Лондон, но фотографиите и начинот на којшто изгледа Мос ги загрижија љубителите на модата.

Имено, 49-годишната манекенка била фотографирана со својот пријател Павел Валицки, а во чантата имала скриено шише вотка, пишува „Дејли мејл“.

Ова не е првпат манекенката да се појави во загрижувачко издание – во септември беше снимена како пуши пред ресторан, а нејзиниот изглед на лицето предизвика голем број загрижени коментари од оние кои ја следат нејзината работа.

Како потсетување, Мос во минатото се бореше со зависност од алкохол и дрога, а нејзиниот близок пријател Тони Марнах во 2020 година откри дека манекенката престанала да пие алкохол во 2018 година и се свртела кон поздрав начин на живот.

„Одам на спиење рано, пијам многу вода, не пијам премногу кафе и се обидувам да ги намалам цигарите“, призна таа тогаш.