ФОТО | „Берлинале“: Мартин Скорсезе е добитник на почесната „Златна мечка за животно достигнување“
Американскиот режисер Мартин Скорсезе е добитник на почесната награда „Златна мечка за животно достигнување“, која ќе му биде врачена на 74. издание на Берлинскиот меѓународен филмски фестивал („Берлинале“) во февруари, објавија организаторите на фестивалот.
„За секој што гледа на филмот како на уметност која е способна да ја обликува приказната за да биде истовремено универзална и лична, Мартин Скорсезе е ненадминат модел… Затоа е големо задоволство и чест за нас уште еднаш да го поздравиме нашиот голем пријател на фестивалот и да му ја врачиме нашата најважна почесна награда“, се вели во изјавата на режисерите Мариет Рисенбек и Карл Чатријан.
The 74th Berlin International Film Festival will award US-director, producer and screenwriter Martin Scorsese the Honorary Golden Bear for his lifetime achievement in an award ceremony at the Berlinale Palast on February 20, 2024.
Read all: https://t.co/5vEb0GJNaD pic.twitter.com/SAVcrsX33U
— Berlinale (@berlinale) December 21, 2023
Имено, наградата ќе му биде врачена на свечена церемонија, која ќе се одржи на 20 февруари следната година.
Скорсезе последен пат учествуваше на Берлинскиот меѓународен филмски фестивал во 2008 година, со документарниот филм за музичката група „Ролинг стоунс“ – „Светни светлина“ („Shine a Light“).
Најновиот филм на Скорсезе, „Убијци на цветната месечина“ („The Killers of the Flower Moon“), со Леонардо Дикаприо во главната улога, моментално се емитува во киносалите ширум светот.
Берлинскиот меѓународен филмски фестивал, кој е еден од најважните светски филмски фестивали заедно со фестивалите во Кан и Венеција, ќе се одржи од 15 до 25 февруари.