ФОТО | Ако животот ви подари лимони, направете миризлив лимон колач
Брзите, едноставни тортички се мојот омилен начин да направам нешто што ќе ми ја замириса кујната, а истовремено ќе биде вкусен за домашните.
Токму таков е следниов рецепт. Ако животот ви даде лимони, направете лимон колач!
Потребни состојки:
- 230 грама брашно
- 3 јајца
- 1 пециво
- 230 гр шеќер или засладувач по ваш избор
- 230 гр омекнат путер
- Изрендана кора од два лимони
- 1 ванилин шеќер
- 6 лажици млеко
- 2 лажици цеден сок од лимон
Подготовка:
Со миксер се матат јајцата, путерот и шеќерот и ванилиниот шеќер. Треба да станат пенасти.
Се мешаат брашното со прашокот за пециво, се додаваат млекото и лимоновиот сок. Се додава и ренданата кора од двата лимони. Додајте ја ова смеса во мократа смеса и измешајте добро со лажица. Во долгнавест калап за колачи, намастете ги добро ѕидовите и истурете ја смесата.
Колачот се пече 50тина минути на 160 степени. За секој случај пред крај на печењето проверете со чепкалка дали е печен. Откако ќе ја исклучите рерната, оставете го да стивне 15 минути.
Додека се лади колачот, подгответе глазура (ова ако сакате). Исцедете два лимони и во сокот од лимон додадете 100 гр шеќер во прав, добро да се спојат. Извадете го колачот од калапот и премачкајте го со глазурата и украсете го со парчиња лимон.
Уживајте!
