Фјури не сака пари за да боксува против Џошуа, но бара бесплатен влез за навивачите
Тајсон Фјури по победата над Дилијан Вајт на која се одржа на 23 април замина во пензија, но на англиските медиуми им откри дека е подготвен повторно да ги стави ракавиците и да влезе во ринг за меч против Ентони Џошуа.
Џошуа на 20 август во Саудиска Арабија ќе боксува против Олександр Усик, а победникот ќе го напушти рингот со три шампионски појаси и ќе му недостасува само тој во ВБЦ верзијата кој е во сопственост токму на Фјури.
Фјури не е премногу загреан за обединување на сите титули во тешка категорија, но е заинтересиран да боксува против Џошуа.
За време на едно дружење со фановите, Фјури им откри дека има два услови за враќање во рингот и меч против Џошуа.
– Тој е бизнисмен, а не борец. Се надевам дека ќе го победи Усик па да можам да излезам од пензија и да боксувам бесплатно против него. Но, имам неколку услови. Сакам борбата да се одржи на стадионот „Вембли“, сакам влезот да биде слободен и сакам бесплатно да се емитува во цело Обединето Кралство. Ќе се борам со него тука во Англија, не сакам да биде надвор – изјави Фјури.
‼️ Tyson Fury says he is willing to come out of retirement and fight Anthony Joshua, but only if it’s at Wembley Stadium and free for all the UK fans…
[📽️ @MotleysFool] pic.twitter.com/vIKKRa39n9
— Michael Benson (@MichaelBensonn) July 10, 2022