Дали знаете што е финансиски пост? Трае една недела во месецот, а ќе заштедите пари
Методот има за цел да им помогне на луѓето да научат како да буџетираат и да избегнуваат непотребно трошење. Започнете со разработување минимален буџет од кој можете да живеете една недела – што ги вклучува основните работи во продавницата, сметките, киријата и сите други неопходни трошоци.
Френсис Кук од Нов Зеланд го креираше концептот на „финансиски пост“, според кој треба да одберете една недела во месецот во која ќе живеете штедливо.
„Ако се борите да заштедите пари, понекогаш е подобро да го правите тоа во кратки интервали“, советува Френсис.
Потоа изберете една недела од месецот за вашиот „финансиски пост“.
„Живејте на тој минимум, обидете се да не трошите ништо повеќе таа недела. Држете се на минимум“, советува Френсис.
Пет совети за заштеда:
- Водете дневник за пари – запишете сè што ќе потрошите, а потоа запишете на што навистина требаше да ги потрошите вашите пари (храна, кирија, бензин итн.) и дали тоа ве направи среќни. Заштедите нема да функционираат ако се обидете да го намалите она што ве прави среќни.
- Исклучете го она што не ви треба – ова може да вклучува онлајн купување, одредена храна или луксузни предмети.
- Размислете за вашите големи трошоци. Областите со најголема потрошувачка имаат и најголем потенцијал за заштеда. Можете ли да го промените вашето живеалиште? Дали сте подготвени да се откажете од возењето автомобил еден ден во неделата?
- Размислете за попаметно трошење. Ако посетувате кафулиња и ресторани исклучиво поради добрата атмосфера и друштво, поканете ги пријателите на кафе наместо на ручек за да заштедите пари.
- Не трошете пари обидувајќи се да ги импресионирате луѓето. Иако сме социјални суштества, сепак туѓото мислење или потребата некого да импресионирате може да ви донесе само поголеми трошоци. Трошете за работи во кои уживате и можете да си ги дозволите. Сѐ друго исфрлете.
Што е финансиски пост?
Финансискиот пост вклучува само трошење пари на неопходни работи – какви што се намирници, комунални услуги, кирија или домување и превоз до работа, и вклучува намалување на сите други трошоци.
Како да се користи тактиката:
- Пресметајте ја минималната потрошувачка од која можете да живеете една недела.
- Изберете една недела секој месец и живејте од тој минимум. Избегнувајте социјални прилики каде што најверојатно ќе потрошите пари.
- Ставете ги парите на штедна книшка, а со тоа ќе ги намалите шансите да ги потрошите за работи што не се неопходни.