Филипче: Ќе не чека интензивна работа до стекнување колективен имунитет или пронаоѓање на вакцината
Министерот за здравство Венко Филипче истакна дека со апликацијата StopKorona! се помага во спречување на ширење на коронавирусот, како и во олеснување на работата на епидемиолозите во пополнување на анкетите.
-Ние сме во фаза кога го очекуваме пикот, кога идентификуваме заболени лица и ги ставаме во самоизолација. Со апликацијата се олеснува работата на епидемиолозите со замена на прашалникот кој го изработуваат.
Оваа состојба нема да заврши сега, целта е да се амортизира ударот кон здравствениот систем. Во повеќе земји се размислува како ќе се постават по пикот, ќе не чека интензивна работа до крајот на оваа и почетокот на следната година до стекнување колективен имнитет или пронаоѓање на вакцината.
Планираме да направиме скрининг во областа на Дебар и веќе сме во фаза во која може да се евалуира имунитетот на населението тука. Со тоа значајно ќе се придонесе да се стави крај ан епидемијата во нашата земја, рече Филипче.