ФИФА и синдикатот на играчи на ФИФпро сакаат да помогнат во евакуацијата на авганистанските фудбалери и фудбалерки кои сакаат да ја напуштат земјата, потврди во неделата Фатма Самура, генерален секретар на Меѓународната фудбалска федерација.

– Работиме со ФИФпро – објасни Самура, додавајќи дека е неопходно да се процени „бројот на засегнати играчи“.

– Ние веќе сме евакуирале фудбалери од Авганистан во минатото, мора да го направиме тоа повторно – додаде генералниот секретар на Меѓународната фудбалска федерација.

Меѓународниот синдикат играчи на Твитер во петокот објави дека „е во контакт со владите да воспостават план за евакуација на спортистите во опасност“, со цел „да се сместат што е можно повеќе луѓе на безбедно место“.

ФИФпро во четвртокот слушна за смртта на авганистанскиот млад репрезентативец Заки Анвари, кој загина додека се обидуваше да се држи за авионот за да избега од неговата земја.

Авганистан нема да биде дел од Параолимписките игри во Токио, а беше прилика за историско учество