Унгарците ја завршија групната фаза на ФИБА „Челенџер“ во Шопрон за играчи „Под 20“ години со максимален ефект, совладувајќи ги Белорусија, Словачка и Косово со вкупна кош-разлика од 73 поени.

Во директниот дуел за првото место, домаќинот Унгарија беше подобра од белоруската селекција со конечен резултат 93:81.

Унгарците остварија три максимални победи и ќе бидат ривалот на Македонија во полуфиналето кое ќе се одржи в сабота од 19.30 часот.

Потсетување дека избраниците на селекторот Тони Симиќ во својата група забележаа две победи над Луксембург и Романија, а загубија од Швајцарците.

Втората полуфинална двојка ја сочинуваат Швајцарија која беше првопласирана во групата со Македонија, и Белорусија која на досегашните три меча победи на два од нив.