Евролига: Басконија во неизвесна завршница триумфираше над Црвена звезда
Денеска во рамките од 22 коло во Евролигата кошаркарите на Басконија славеа со минимален резултат 91:90 против Црвена звезда. Црвена звезда го отвора натпреварот со тројка. Басконија поведе со 5:8, но потоа српскиот претставник започна добра серија и по првиот дел беше 30:20.
Во втората четвртина белградската екипа го одржуваше водството, Шпанците успеаја да дојдат до „минус четири“ негатива, но на одмор се замина со резултат 52:43. По паузата следуваше пад во играта на Звезда. Гостите многу подобро влегоа во вториот дел и пред последната четвртина успеаја да го свртат резултатот на 62:69.
Басконија во еден момент се искачи на „+12“ (65:77), а потоа со сите сили Црвена звезда тргна на сè или ништо стигнувајќи на само „минус еден“ (83:84), но не и да направи пресврт. Басконија се одвои на 88:83, Матеус ја враќа разликата на еден, на неколку секунди до крајот гостите погодија слободно фрлање и после тоа собраа офанзивен скок.
После тоа на линијата за слободни фрлања доаѓа Вања Маринковиќ и погодува два пати. Звезда после тоа постигна тројка, но залудно.
Апсолутно прво име на средбата беше Хауард. Се истакна за гостинскиот тим со 32 поени. Кај Басконија го следеше српскиот кошаркар Маринковиќ кој постигна 18 поени.
Бразилецот Матеус беше најдобар кај Црвена звезда. Постигна 23 поени, пет пати асистираше и додаде три скока. Црвена звезда така ќе остане на 13 место со скор 10-12, додека Басконија скокна на седмото место со учинок 12-10.