ЕВН ја купи Градската куќа
Градската куќа која на иницијатива на градоначалникот Петре Шилегов, советниците одлучија да ја продадат, ја купи компанијата ЕВН, информираше за „Слободен печат“, портпаролот на Градот, Ваљон Салиху.
Салиху рече дека ЕВН бил единствен понудувач на јавната акција за продажба на Градската куќа која се одржала вчера.
– Градот, на ЕВН, Градската куќа и ја продаде за 12,7 милиони евра, што беше и почетната цена на електронската аукција. Договорот ќе биде склучен во наредните 15 дена – вели портпаролот Салиху.
Како што претходно информиравме, Град Скопје одлучи Градската куќа да ја продаде бидејќи локацијата била „несреќно избрана“, како и дека немало место за сите вработени.