Eурофарм Пелистер се помачи, но го победи Тиквеш во Кавадарци
Актуелниот шампион на Македонија Еурофарм Пелистер ќе остане лидер на табелата по денешното тешко гостување во Кавадарци.
Битолскиот состав не дозволи да му се случи судбината на Вардар кој неодамна беше поразен во Кавадарци. Тиквеш денеска настапи без својот најдобар стрелец Страиња Симиќ, додека Ани Обина кој се повреди во претходниот меч имаше помала минутажа. Во редовите на Пелистер недостасуваа Костески и Атанасијевиќ.
Тиквеш и без своите најдобри ракометари одлично се држеше и констатно се одржуваше во игра. На полувреме „пелистерци“ имаа два позитива (12:10). И во вториот дел шампионот најчесто беше на „плус два“. Имаа домаќините неколку шанси и да израмнат, но не ги искористија своите шанси.
Најефикасен со седум гола кај Пелистер беше Богдан Радивојевиќ, додека кај домаќините по пет постигнаа Атанасовиќ и Мијатовиќ.