Еурофарм Пелистер без голманот Кизиќ против Агуас Санташ во Португалија
После поразот дома на стартот од новата сезона во ЕХФ Европската лига од данскиот Архус, играчите на Ларс Валтер во вторник ќе го имаат и првото гостување.
Следен противник на македонскиот вицешампион ќе биде португалската екипа на Агуас Санташ Миланеза која исто така беше поразена во првото коло од шпанската Бидасоа Ирун со 35:26.
Битолчани ќе бидат на утрешниот дуел, односно во составот на данскиот тренер Валтер нема да биде репрезентативниот голман Марко Кизиќ.
Како што информираат од клубот, чуварот на мрежата се здоби со повреда на натпреварот со Архус.
Мечот во Португалија ќе се игра од 20.45 часот, а судии ќе бидат Австријците Денис Болиќ и Кристоф Хурих. ЕХФ делегат е Марко Треспиди од Италија.