ЕУ лани забележала рекорден трговски дефицит од 432 милијарди евра
Европската унија минатата година во надворешно-трговската размена забележала досега најголем годишен дефицит од 432 милијарди евра. Дефицитот се должи, пред се, на големиот пораст на вредноста на увозот на енергија, кој започна кон крајот на 2021 година и продолжи во поголемиот дел од 2022 година, соопшти Евростат.
Исто така, во 2022 година, поттикнати од зголемувањето на цените, се евидентирани највисоки стапки на раст и на увозот и на извозот во последните десет години. Увозот е зголемен за 41, извозот за 18 отсто.
Ова е прв дефицит во надворешно трговската размена на ЕУ во изминатата деценија. За споредба, во 2021 е забележан суфицит од 55 милијарди евра, а во 2020 плусот во трговијата со светот бил 215 милијарди евра.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот