ЕП: Младите македонски одбојкарки загубија убедливо и од Грција
Македонската женска одбојкарска репрезентација до 19 години денеска во својот трет натпревар на Европското првенство во СЦ „Борис Трајковски“ – Скопје загуби од Грција со 0:3.
Грчките одбојкарки го освоија првиот сет со 25:17, потоа во вториот во кој дадовме најголема борба противникот славеше со 25:19, а во третиот со 25:17.
Најефикасна во нашите редови беше Добрина Хаџи Тошева со девет поени, а на спротивната страна Георгиа Лоула Ангелопулу доминираше со 16 поени.
Во другите мечеви од третото коло Италија славеше над Финска со 3:0, а со истиот резултат Полска беше подобра од Словенија.
На табелата во групата „1“ води Италија со девет бодови, пред Полска со шест, пет има Финска, Грција четири, Словенија три, а Македонија ниту еден. Во следното четврто коло за два дена нашите млади одбојкарки ќе ги одмерат силите против фаворитот во групата, Италија.
Во групата „2“ после три кола водат Србија и Холандија со по три бодови, по три имаат Хрватска, Романија и Турција, а ниту еден Швајцарија.