Сениорската машка ракометна репрезентација на Македонија пристигна во Диселдорф каде ќе ги игра натпреварите од прелиминарната фаза на Европското првенство во Германија.

Континенталниот собир ќе се организира од 10 до 28 јануари 2024 година, а ривали на избраниците на селекторот Кирил Лазаров во групата „А“ се селекциите на Франција, Германија и Швајцарија.

Преку видеа се анализираат противниците со цел што подобро претставува на македонската репрезентација на ЕП.

ФОТО: Стадионот во Диселдорф на кој ќе играат македонските ракометари подготвен за спектакл и историја

Нашите најдобри ракометари го одржаа првиот тренинг во Диселдорф, а првиот меч на ЕП ќе го одиграат в среда од 18.00 часот против Франција на стадионот „Меркур Шпил Арена“ пред повеќе од 50.000 навивачи.

Следните два меча ќе се играат во Берлин на 14 јануари против Германија, а на 16 јануари против Швајцарија.

Првопласираните две репрезентации од секоја група ќе се пласираат во главната фаза.