Енрике: Ако го знаев резултатот на другиот натпревар ќе добиев инфаркт
Шпанија вчера иако беше поразена од Јапонија сепак го обезбеди пласманот во следната фаза, а со поразот Шпанците ќе одат на дуел со Мароко.
Многумина се сомневаат дека Луис Енрике калкулирал и со намера избрал да бидат поразени за да завршат како второпласирани бидејќи првопласираниот, а во овој случај тоа е Јапонија оди на Хрватска.
Но, во неколку минути вчера и Шпанија беше елиминирана. Имено, Костарика направи пресврт и поведе со 2:1 против Германија и ако тој натпревар завршеше со победа на Костарика Шпанија ќе беше трета во групата, а Костарика втора.
Стратегот на Шпанија, Луис Енрике после натпреварот тврдеше дека не калкулирал и дека не го знаел резултатот на тој натпревар.
„Навистиан не знаев како е резултатот на вториот натпревар, не знаев дека сме пред елиминација. Ако го знаев тоа ќе добиев инфаркт. Во фудбалот се може да се случи, па нормално дека стравував од елиминација. Немаме време за славење, продолжуваме понатаму“, изјави шпанскиот селектор.