Австрискиот тенисер Доминик Тим го откажа настапот на првиот гран слем турнир во новата сезона, Австралија Опен. Финалистот од 2020 година, не е опоравен од повредата на раката и одлучи да го прескокне турнирот во Мелбурн кој ќе се игра од 17. до 30. јануари.

„Како што знаете, се вратив во Австрија за да се опоравам по тешките тренинзи во Дубаи. Сега се чувствувам добро, мојот зглоб на раката е во подобра состојба и тренирам нормално“, напиша Тим на својот профил на Твитер.

Тој потоа додаде дека новата сезона ќе ја започне во Јужна Америка и тоа кон крајот на јануари.
„По краткиот одмор, со мојот тим одлучивме да направиме промени во календарот. Сезоната ќе ја започнам во Јужна Америка на Кордоба Опен во Аргентина кој ќе се игра на крајот од јануари, шти значи дека нема да настапам на Австралија Опен. Ќе ми недостасуваат навивачите во Мелбурн, но ќе се вратам во 2023 година. Убеден сум дека ова е вистинската одлука“, порача Тим.

pic.twitter.com/3NUU1UoZwE

— Dominic Thiem (@ThiemDomi) December 28, 2021