Динамо Загреб и Ристовски на чекор од пласман во третото квалификациско коло на ЛШ
Во првиот натпревар од второто квалификациско коло во Лигата на шампионите екипата на Динамо Загреб дома со 4:0 ја совлада Астана од Казахстан.
Сите дилеми околу победникот беа решени веќе во првото полувреме со двата гола на Иванушец и еден на Шпикиќ.
Иванушец го комплетираше хет-трикот во 56 минута од средбата на стадионот „Максимир“ во Загреб. Македонскиот репрезентативец Стефан Ристовски го одигра целиот меч за „модрите“.
Реваншот меѓу Астана и Динамо Загреб ќе се игра на 2 август, а победникот од овој двомеч во третото квалификациско коло на ЛШ ќе игра против АЕК Атина од Грција.
Поблиску до следната фаза е и грчкиот Панатинаикос кој славеше на гостувањето против украинскиот Днипро-1 со 0:1 во Кошице, додека Сервет (Швајцарија) и Генк (Белгија) ремизираа 1:1.
ЛШ: ХЈК на Илиев го совлада Молде, Жалгирис во финишот избегна пораз против Галатасарај