Димитриевски: Наодите на ДЗСИ се класичен монтиран случај
Откако инспекцискиот надзор на ДЗСИ покажа прекршувања во Куманово и беше најавено дека градоначалникот Максим Димитриевски ќе треба да плати казна од 300 до 600 евра, тој за Телма изјави дека случајот е монтиран.
„Јасно е дека надлежните институции направија многу пропусти, прекршија низа закони, пред се, со објавување лични податоци, во овој случај. Тоа што беше објавено денеска не е точно и за се имаме соодветна документација. Надлежните немаат потреба да бркаат вештерки во системот што самите не го поставиле како што треба да биде. Ова е, повеќе од јасно, класичен монтиран случај за кој ќе ги преземам сите законски дејства. Ќе ги почитувам одлуките на институциите“, рече Димитриевски.
Сепак, тој смета дека во случајот нема политичка борба тука само различни ставови на општинскиот штаб на Куманово и централниот државен штаб.