Џорџ Флојд денеска ќе биде погребан во Хјустон
Афроамериканецот Џорџ Флојд, чија насилна смрт предизвика протести против расизмот низ целиот свет, ќе биде погребан денеска во Хјустон.
Осум минути и 46 секунди е времето кое белиот полицаец го притискаше коленото врз вратот на Џорџ Флојд, додека го приведуваше, на 25 мај, се додека не го задуши. Целиот настан беше снимен на камера, а набргу по пристигнувањето на абулантно возило на местото на злосторството, Флојд официјално беше прогласен за мртов. Освен девојката која го сними и објави убиството, на локацијата имаше повеќе присутни лица кои го просведочија моментот кога Флојд почина, а полицаецот продолжи да го притиска неговиот врат. Видеото го обиколи светот.
На комеморацијата, што се одржа вчера во неговиот роден град Хјустон, присуствуваа околу 6.000 луѓе, а погребот ќе биде приватен.
Флојд ќе биде погребан на гробиштата Меморијал Гарденс во Хјустон, каде почива и неговата мајка Марценија Флојд.
Семејството пред погребот издаде соопштение:
„Поради мерките за социјално дистанцирање, погребот во вторник ќе биде лимитиран на 500 гости, во кои се вклучени семејството и блиските пријатели. Ја молиме јавнсота последна почит кон Флојд да извршат во понеделник кога ковчегот ќе биде изложен и отворен за јавноста“, рекоа тие.
Кауција од 1,25 милиони долари за полицаецот Дерек Човин, обвинет за убиството на Флојд