Кауција од 1,25 милиони долари за полицаецот Дерек Човин, обвинет за убиството на Флојд
Поранешниот полицаец од Минеаполис, Дерек Човин, кој со коленото врз вратот на Џорџ Флојд ја предизивка неговата свирепа смрт при апсењето на 25 мај, ќе мора да издвои кауација од од 1,25 милиони долари, односно еден милион долари под одрдени услови, дознава ДПА од судските извори.
Човин ги прифатил условите, кои вклучуваат да нема никаков контакт со семејството на Флојд, да не работи во агенција за обезбедување или установа која го спроведува законот, да не ја напушта Минесота и да го предаде своето огнено оружје.
Човин, кој е обвинет за убиство од втор степен, денеска за првпат се појави на суд во Минеаполис. Неговото следно рочиште е закажано за 29 јуни, потсетува ДПА.
На снимката се гледа како Човин со коленото го држи Флојд на земја, додека тој го молеше да престане затоа што не може да диши. На местото на злосторот имаше многу очевидци, меѓу кои и девојката која го сними целиот чин, а потоа го објави видеото на социјалните мрежи.
Видеото од смртта на афроамериканецот го обиколи светот и беше силен поттик за во моментов речиси во сите големи европски и некои светски престолнини се протестира против полициската бруталност и расизмот.