Детали за убиството во Велес: Му била трета жена и таа често била жртва на семејно насилство
Се појавија нови детали за убиството во Велес коешто денеска ја потресе македонската јавност. Имено, нивните соседи за порталот „Ти реков, ми рече“ изјавиле дека во текот на минатата ноќ не чуле ништо сомнително, но сведочат дека полицаецот наводно ја малтретирал жената.
– Ништо сомнително не слушнавме, не се случуваше, ниту гужва, ниту повици за помош. Тој беше полицаец, живееја заедно 4-5 години, но не беа во брак. Таа работеше во Дрекселмаер. Тој живеел во Шорка и ова му била трета жена. Но, ја малтеритраше. Пред некој ден купија санитарија за купатило, по три дена истата беше фрлена во двор и искршена. И децата од пет години на маало му пречеа, изјавиле соседите.
Портпаролот на СВР Велес, Верољуб Додевски денеска изјави дека утрово во 5 часот е лишена од слобода 23-годишната П.И. под сомение дека му нанела убодна рана на невенчаниот сопруг.
– Утрово во 5 часот во Велес, полициски службеници од СВР Велес ја лишиле од слобода 23-годишната П.И. од Велес поради сомнение дека околу 2.20 часот во семејната куќа на ул. „Максим Горки” со остар предмет му нанела убодна рана на нејзиниот невенчан сопруг А.Р. (40) по што починал, изјави Додевски.
Лекар од Итната медицинска помош констатирал смрт. Извршен е увид на местото на настанот и по целосно документирање на случајот против неа ќе биде поднесена соодветна пријава.