Директорот на ЈСП Скопје Кристијан Чушков во „Утрински брифинг“ на „Слободна ТВ“ потврди дека пандемијата ја промени динамиката на испорака на новите еколошки автобуси.

-За 14 до 20 дена ги очекуваме автобусите да пристигнат во Македонија. Пандемијата од ковид-19 ја промени планираната динамика на испорака, затоа што овие возила требаше да пристигнат некаде во средината на март.

Во сите автобуси ќе има дополнителна опрема, како вградени полначи за телефони. Со новите еколошки автобуси годишно ќе се заштедат 25.000 евра за гориво во споредба со другите и воопшто нема да загадуваат, бидејќи емитуваат незначителна концентрација на ПМ честички, изјави Чушков.

Според правилата за дистанца во услови на коронавирус, во автобусите има контролори за да не се надмине капацитетот од 50 отсто.

Морам да споменам дека во секој автобус имаме контролор кој го одредува бројот на патници и тоа да не биде над 50%. Ја имаме ситуацијата под контрола, вели Чушков.