Четири лица загинаа, а едно е тешко повредено откако балон со топол воздух се урна во пустината во Елој, Аризона, соопшти полицискиот оддел Елој, пренесува Еј-Би-Си.

Несреќата се случила во округот Пинал, рурална пустинска област на околу неколку киломентри северно од градот, во 7:30 часот по локално време, соопшти полицијата на Елој.

Градоначалникот на Елој потврди дека во балонот во моментот на падот имало вкупно 13 луѓе: осум падобранци, четворица патници и пилотот.

Непосредно пред падот, падобранците излегле од балонот, а очевидците рекле дека балонот изгледал како да летал горе-долу пред несреќата, јавува локалната телевизија КНХВ.

Едно лице е констатирано мртво на местото на настанот, три други починале во болница, а петтото лице е во критична состојба во болницата „Вели“.