Американскиот актер Брус Вилис повторно се најде во улогата на Џон Меклејн од популарната франшиза „Умри машки“, која ја одбележа неговата кариера.

Овој пат не се работи за ново продолжение, туку за реклама за авто акумулатори од брендот кој го носи истиот назив како и филмот.

Во двеминутната реклама Вилис се враќа во улогата на Меклејн и тргнува во опасна мисија со цел да набави нов акумулатор за својот расипан автомобил.

Рекламата содржи и неколку оригинални сцени од филмот, вклучувајќи го и појавувањето на возачот на лимузината на Меклејн, Аргајл.

Првиот дел од франжизата „Умри машки“ излезе во 1988 година, а снимени се вкупно пет делови.
Најавено е и снимање на шестиот дел кој ќе биде наречен „Џон Меклејн“.