Борел: Дијалог меѓу Белград и Приштина е единственото решение
Шефот на европската дипломатија Жозеп Борел во Минхен изјави дека дијалогот меѓу Белград и Приштина е единствено решение и дека преговорите треба да почнат што побрзо, пренесува „Б92“.
– Дијалогот меѓу Белград и Приштина е единствено решение. Потребна е деескалација бидејќи во спротива разговорите нема да бидат возможни. Преговорите треба да почнат што побрзо, исто така и за напредување на европскиот пат. Потребна е европска перспектива за регионот во целина – напиша високиот претставник на ЕУ за надворешна политика и безбедност.
(1/2) Round table with all six Western Balkans today at @MunSecConf #Enlargement – We needed to stop. Reshuffle. Rethink. The aim of our new methodology is to now make the process more credible, dynamic and predictable. pic.twitter.com/CetMGK1SBv
— Josep Borrell Fontelles (@JosepBorrellF) February 14, 2020
Тој, заедно со неколкуте објавени фотографии, наведе дека вчера на Минхенската безбедносна конференција учествувал на округлата маса за Западен Балкан и проширување, на кој, биле претставиците на западнобалканската шесторка, меѓу кои и македонскиот шеф на МНР, Никола Димитров.
Борел исто така нагласи дека целта на новата методологија на ЕУ е процесот на проширување да се направи покредибилен, подинамичен и попредвидлив.