Благодарение на навремениот преглед овие славни жени го победија ракот на дојка
Иако справувањето со ракот на дојка може да биде крајно тежок и травматичен период, многу жени избраа да бидат отворени во врска со своето искуство за да ги едуцираат и да им понудат поддршка на другите жени што поминуваат низ тоа.
И славните личности се направени од крв и од месо, а повеќе пари не секогаш значат и имунитет на болестите.
Осум познати личности отворено раскажаа за своето искуство со ракот на дојка. Овие ѕвезди и самите се бореле со лошата болест и излегле од борбата како победници. Благодарение на тоа што се прегледале навреме.
Синтија Никсон
Познатата Миранда од серијата „Сексот и градот“ се разболе во 2006 година. На нејзината мајка порано исто така ѝ бил дијагностициран рак на дојка, па знаеле дека шансата и самата да ја добие болеста е поголема. Како што рекла во многу интервјуа, тоа ѝ дало повеќе сила да се справи со ситуацијата, а денес е една од активистките и се труди да ги едуцира жените и да го сврти внимание на редовните прегледи.
Кајли Миног
Поп-ѕвездата открила дека има рак на дојка додека била на светската турнеја во 2015 година. Тогаш имала само 36 години и веднаш се подложила на двојна мастектомија и хемотерапија. Денес е сосема здрава.
Шерил Кроу
Пејачката го открила карциномот во почетниот стадиум. Немала никакви симптоми, а туморот го открила случајно, на мамограф. Оттогаш, Кроу ја користи својата популарност да ги натера жените на редовни прегледи, бидејќи навистина можат да им спасат животот.
Рита Вилсон
Актерката и сопруга на Том Хенкс откри во 2015 година дека имала двојна мастектомија (отстранување на градите). Рита имала хистолошка хетерогеност во едната дојка, која ја држела под контрола со години, сè додека не станала поагресивна, по што одлучила да се оперира.
Џулијана Ранчиќ
Водителката го открила ракот случајно, пред да оди на преглед за да се подложа на вештачко оплодување. Во тоа време имала само 36 години и се подложила на двојна мастектомија, но не се откажала од својот сон да стане мајка. Во 2012 година, таа и нејзиниот сопруг добија син благодарение на сурогат.
Кристина Ејплгејт
На актерката ѝ дијагностицирале рак кога имала 36 години. Била подложена на двојна мастектомија и хистеректомија, бидејќи била носител на генетска мутација на генот BRCA1, што ја зголемува можноста за развој на рак на дојка и рак на јајчници.
Џулија Луис Драјфус
Во 2017 година, актерката преку Твитер објави дека има рак на дојка. „Секоја осма жена заболува од рак на дојка. Денес, јас сум таа“, напишала таа. Две години подоцна, во едно интервју, открила дека се чувствува добро по зрачење и двојната мастектомија, а тогаш ја освои и својата седма номинација за наградата Еми.
Кети Бејтс
Оскаровката Кети Бејтс го победи ракот на јајчниците пред десет години, но во 2017 година открила дека боледува од рак на дојка. Оптимистичниот дух не ја напуштил актерката, па на Твитер коментирала: „Не ми недостасуваат градите колку што ми недостасува законот на Хари. Ви благодарам за прекрасните пораки“.