„Бев нормален додека не ја запознав неа“: Водителката го претепала 13 години помладото момче (ФОТО)
Во домот на британската телевизиска и радио-водителка Каролин Флак се одвивала вистинска драма.
Препорачано
Нејзината куќа ја обиколиле полициски возила, а 40-годишната Каролин е уапсена и тоа бидејќи го претепала својето 13-години помладо момче, тенисерот Луис Буртон, пренесува Дејли мејл.
Водителката, засега од непознати причини, физички го нападнала тенисерот, пренесуваат изворите.
„Бев нормален додека не ја запознав неа“, викал шокираниот и повреден Луис кога полицијата стигнала во лондонскиот дом на водителката.
Очевидците откриваат дека пред куќата владеел тотален хаос. Поради тешките повреди Луис е однесен во болница, како и неговата „сакана“, која за време на инцидентот случајно се исекла на скршена чаша.
„Беше околу 5 наутро. Беше тотален хаос. Дојдоа шест полициски автомобили и едно комбе. Одев на работа и не знаев што се случува, сè додека соседот не ми кажа дека е уапсена. Таа е секогаш пријателски расположена и зборува со нас, се надевам дека работите ќе се средат“, рекол еден од соседите.
Поради тешкиот напад водителката наскоро ќе оди на судење, а би можела да добие и шест месеци затвор.
