Ватерполо репрезентацијата на Србија се пласираше во финалето на Олимписките игри во Токио со победата во денешниот полуфинален натпревар против Шпанија.

Србите направија голем пресврт во текот на мечот и на крајот триумфираа против Шпанците со конечен резултат 10:9. Играчите предводени од Дејан Савиќ ќе имаат шанса да го одбранат олимпиското злато освоени од Рио де Жанеиро во 2016 година.

Последниот период беше обележан со сомнителна одлука на судиите, кои при резултат 7:6, им го признаа голот на Шпанците по прегледувањето на видеото за „плус два“ на семафорот.

Шпанците неколку пати водеа со по три голови разлика, но позитивата не успеаја да ја задржат до самиот крај. Србија доминираше во последниот период, а Филип Филиповиќ беше херојот кој се погрижи за триумф.

Нивни ривал во завршната битка ќе биде Грција која ја елиминираше Унгарија со 9:6.

Грците за првпат во нивната историја на Олимписките игри обезбедија медал, досега нивни најдобар пласман беше четвртото место на Игрите во Атина 2004.

Финалето на Олимписките игри во ватерполо помеѓу Србија и Грција е на програмата в недела од 09.30 часот.