Австралија се откажа: Саудиска Арабија единствен кандидат да го организира Мундијалот во 2034 година
Саудиска Арабија продолжува да инвестира во фудбалот и за 11 години се очекува да биде организатор на Светско првенство.
Денеска е последниот ден за пријавување за организација на Мундијалот во 2034 година, а доколку некој во следните неколку часа не ја подготви документацијата и не ја достави – веќе знаеме каде ќе се игра турнирот. Тоа ќе биде Саудиска Арабија, како единствен кандидат за тоа СП откако Австралија официјално се повлече од трката, пренесува „Телеграф“.
На овој начин Саудиска Арабија ќе продолжи да „расте фудбалски“ откако во последната година вложи огромни пари во доведување на познати фудбалски имиња како Кристијано Роналдо, Карим Бензема, Нејмар, Александар Митровиќ, Садио Мане, Сергеј Милинковиќ-Савиќ и други, а главната цел беше и да се добие организација на најпрестижниот спортски настан покрај Олимписките игри.
Saudi Arabia is the ONLY bidder to host the 2034 men's World Cup 🇸🇦
Australia have ruled themselves out ❌
The deadline to bid is TODAY… ⏱️ pic.twitter.com/aIUqRQb8yw
— BBC Sport (@BBCSport) October 31, 2023
Саудијците најпрво сакаа да бидат домаќини на Светското првенство во 2030 година, но на крајот се повлекоа од трката, во која победија Мароко, Португалија и Шпанија.
Саудиска Арабија инаку потенцијално имаше конкуренција во Австралија, Нов Зеланд, Малезија и Сингапур, потоа Кина, односно Казахстан, Киргистан и Узбекистан, но никој од нив не ја испрати потребната документација за домаќин на Светското првенство.