АСМЛ достави предлог-Декларација за ефективни здравствени политики за млади лекари и специјализанти
Во однос на запишувањето на факултет, Асоцијацијата бара зајакнување на уписната политика со воведување построги уписни критериуми, односно познавање на хемија, биологија, математика и логика.
Асоцијацијата на специјализанти и млади лекари – АСМЛ достави предлог-Декларација за ефективни здравствени политика за млади лекари и докторите специјализанти. Оттаму ги повикаа сите политички партии и кандидати за пратеници да се се заложат за поддршка и унапредување на правата и условите на малдите лекари и докторите специјализанти.
Меѓу 25-те точки кои се дел од оваа Декларација, АСМЛ бара изработка на здравствена државна стратегија за младите лекари за периодот 2020-2030 година, како и дефинирање и гарантирање на достоинствена минимална плата за младите матични лекари кои се ангажирани во примарното здравство.
– Закон за доктори кој ќе содржи минимално загарантиран коефициент за плата кој ќе се множи по последната просечна плата во државава на секои 3 месеци и истиот не треба да биде помал од 2,5 за општи лекари, 3 за специјалисти, 3,5 за специјалисти од Клиника, до 4 пати повеќе од просечната плата за професорите на медицински факултет. Платата за општи доктори да се субвенционира до тој износ доколку немаат доволно бодови во период до 3 години. Посебно издвојување на педијатрите и гинеколозите од системот на примарна заштита и нивна валоризација на ниво 2 од претходно споменатиот предлог погоре. Вработување на најдобрите 3 студенти од генерација на факултетите во Скопје ,Штип и Тетово, се дел од барањата кои ги сочинува предлог-Декларацијата.
Со цел подобрување на квалитетот на идните млади лекари, АСМЛ предлага и неколку долгорочни мерки.
Во однос на запишувањето на факултет, Асоцијацијата бара зајакнување на уписната политика со воведување построги уписни критериуми, односно познавање на хемија, биологија, математика и логика. Бараат и задолжително интервју пред прием на факултет.
-Проект за вработување и избор на понудените специјализации на најдобрите 100 млади лекари по полагање на американските стандардизирани тестови во март. Останатите 50 на листата имаат право да одберат од преостанатите специјализации , за кои би плаќале , но би добивале надоместок за нивната работа еднаков на првите 100. Сите 150 задолжително би работеле по 1 платена година во дефицитарни здравстени капацитети каде има потреба и услови, се барањата на АСМЛ при уписот на младите лекари на специјализација.
Освен тоа, Асоцијацијата предложува и воведување на систем „еден специјализант – еден пациент“.