На семејството на словенечкиот премиер Јанез Јанша му се заканувале смрт со анонимна пратка што пристигна денес на адреса на општата болница во Целје, каде неговата сопруга Уршка работи како лекар.

Полициската управа на Целје објави дека е информирана за анонимната закана и дека веднаш започнала со проверка на околностите и собирање информации во истрагата со цел откривање на непознат сторител, пренесе Хина.

Веста дека во анонимно писмо упатено до Уршка Башовник Јанша се заканува дека ќе ги убие неа и нејзините двајца малолетни синови со премиерот, најпрво беше објавена во неколку медиуми, а беше потврдена во општата болница во Целје.

„Денес го добивме споменатото писмо и постапивме како што е пракса во вакви случаи: ние веднаш ја известивме г-ѓа Уршка Башовник Јанша за приемот на писмото и неговата содржина и ја пријавивме работата во полиција“, рече претставникот на Целје болницата Данијела Горишек, додавајќи дека болницата нема коментари и дека ова е сосема несоодветна порака.

Медиумите наведуваат дека во последно време се почести се појавуваат вербални закани и пораки, но и вандалски акти, што е поврзано со политички тензии кои се пренесуваат и на јавниот простор.

Пред една недела, молотов коктел беше фрлен во куќата на општински советник во Шрномеј, наставник, но и член на една од парламентарните партии, што предизвика мал пожар.

Според медиумите, деновиве на куќата на министерот за внатрешни работи Алеш Хојс бил испишан графит „лажго“, а слична порака на оградата на неговата куќа пронашла пред неколку месеци поранешниот политичар Карл Ерјавец, во моментот кога тој ја најави својата кандидатура за претседател.

Последниот инцидент „Нова. 24. ТВ“ која е блиска до партијата на премиерот,  заканата за семејството на Јанша го опиша како дело  „левичарските екстремисти“.