Парламентарните избори во Унгарија ќе се одржат на 3 април, соопшти денеска унгарскиот претседател Јанош Адер, кој датумот го објави во соопштение објавено на неговата веб-страница, пишува Ројтерс.

Премиерот Виктор Орбан, за кого овие избори за првпат по подолго време ќе бидат неизвесни, од избирачите ќе го бара четвртиот мандат, откако од 2010 година суверено владее со Унгарија.

Меѓутоа, на овие избори на Орбан за првпат ќе му се спротивстави здружена опозиција, со единствен кандидат.

Во анкетата од крајот на декември, здружената опозиција ја задржа предноста од три проценти во однос на владејачката партија Фидес, на премиерот Орбан.

Орбан (58) на 3 април ќе се соочи со обединета опозиција во која се наоѓаат Демократската коалиција, социјалистите, либералите и партијата Јобик, поранешна крајна десница, а сега централно-десничарска партија.