Се поголема популарност стекнува body positive movement, да не се биде оптоварен со изгледот и да се прифатите такви какви што сте.

Се додека се храните здраво и вежбате за вашето здравје и здравјето на вашето тело, тоа ќе биде совршено во било каква форма и да е. Доколку навистина се чувствувате добро во сопствената кожа, нема потреба да се грижите.

Сепак, доколку за некоја прилика сакате да ги прикриете колковите или струкот, со овие едноставни трикови лесно ќе го постигнете тоа.

Прилепениот модел на облека, заменете го со покомотен крој

Еднобојната облека и едноставната текстура се главни помошници. Темната палета, на чело со црната боја, навистина ја прави фигурата повитка, но тоа не е причина да се откажете од пастелните бои. Добро ќе ви прилегаат сите нијанси на крем, фстак, бледо розова и праска боја.

Секако, посебно внимание треба да обратите на кројот. Тесно припиените работи уште толку ќе ги нагласат деловите што сакате да ги прикриете.

Обрнете внимание на пругастата облека

Вертикалните елементи, примероци и линии, ќе ве направат визуелно повисоки и повитки. Притоа морате да внимавате на ширината на линиите и колку често се повторуваат. Широките линии може визуелно да ја прошират фигурата и затоа треба да бирате работи со потенки и почести линии.

Бирајте фустани што се под колена или макси-должина

Што се однесува до фустаните, дајте му предност на рамниот крој и моделите со преклоп. Еднобојните фустани успешно може да ги замените и со цветни дезени. Фустанот кој не е припиен за телото, совршено го прикрива стомакот, како и кроевите со висок струк. Таквите модели ви дозволуваат да се ослободите од темните бои и внесете смели тонови во вашата гардероба.

Определете се за еднобони маици или блузи

Еднобојните блузи и маици не само што ќе ви ги разубават деновите во канцеларија, веќе во вистинската комбинација ќе биде и сјаен избор за пријатен викенд.

Најефикасни се моделите со V резот, благо струкирани кроеви со преклоп, како и блузи со каиш или лента на струкот. Сите успешно ја извршуваат работата за прикривање на стомакот.

Внимавајте на соодветната висина на панталоните

Високиот струк ќе ја направи линијата од половината до колковите, мазна и издолжена, така што колковите нема да бидат премногу нагласени.

Класичните црни или темни панталони од цврста ткаенина, може да станат основата на вашата гардероба. Тие се совршени!