Нови четири натпревари денеска беа одиграни во Првата македонска фудбалска лига (1МФЛ), екипата на Струга Трим Лум ремизираше без голови (0:0) со Македонија ЃП. Тоа е веќе четврто реми за играчите на Струга Трим Лум во последните пет мечеви во шампионатот.

Шкупи дојде до 12 победа сезонава откако со 3:1 на домашен терен го совлада Работнички. Во 11 минута клубот од Чаир дојде во водство преку Бајрами, само 180 секунди подоцна Мазари се погрижи за израмнување.

Куевен ја врати позитивата на актуелниот шампион во 33 минута, а конечниот епилог го постави Сефас (38`).

Шкендија го запиша третиот триумф на последните четири лигашки средби, со 2:1 играчите на Ќатип Османи го надиграа составот на Академија Пандев. Двоен стрелец за тетовските „црвено-црни“ бече Чинари во 31 и 45 минута. Единствениот погодок за „пандевци“ го реализираше Ергемлидзе (65`).

Најубедлива беше Брегалница Штип која со 4:0 ја преслуша прилепска Победа. Двапати во листата на стрелците се запиша Николов (61`, 67`), а претходно во првото полувреме гол серијата ја започнаа Додев во третата и Мојсов во 11 минута.

Табела: Струга Трим Лум 43 бодови, Шкупи 41, Шкендија 38, Силекс 35, Брегалница Штип 32, Тиквеш 28, Македонија ЃП 26, Работнички 24, Академија Пандев 19, Скопје 14, Победа 13.