За „скромни“ 250 милиони долари: Стинг го продаде целиот свој музички каталог
Британскиот пејач Стинг го продаде целиот свој музички каталог на „Universal Music Publishing Group“, соопштија од компанијата.
„’Universal Music Publishing Group‘, водечкиот оддел за музичко издаваштво на ’Universal Music Group‘, денеска го спроведе купувањето на музичкиот каталог на Стинг“, се вели во соопштението.
Компанијата ќе ги стекне правата за сите соло проекти на Стинг, вклучувајќи го и неговиот последен албум „The Bridge“, како и целата негова музика снимена со групата „Police“. Според „New York Times“, договорот вреди 250 милиони долари.
„Мило ми е што ’Universal Music Publishing Group‘ ќе управува со мојот каталог од песни. Важно ми е целата моја работа да биде ценета и почитувана, и така, не само да се поврзам со долгогодишните обожаватели на нов начин, туку и да ги презентирам песните на идните генерации“, објави Стинг на неговата официјална страница.