Претседателот на Србија, Александар Вучиќ рече дека според податоците за коронавирусот до 20.30 часот има близу 5 илјади хоспитализирани лица во болниците, дека ова е најтешкиот ден за Србија, пренесе Бета.рс.

-Ова е најголем број на заразени луѓе досега. Во моментов имаме над 4800 лица во болниците, сите наши болнички капацитети се полни- рече тој.

Вучиќ најави дека Србија ќе се обиде да набави повеќе дози вакцини против коронавирус.

-Постојат три причини за вакцините, тоа е да се спасат животите на луѓето. Другата работа е што ќе ја спаси нашата економија, а третата е дека ќе ги спаси младите- рече Вучиќ.

Тој изјави дека вакцинацијата нема да биде задолжителна, дека вакцината ќе ја примаат оние на кои им е потребна здравствена заштита, армијата и полицијата.

-Само би ги замолил оние што велат дека коронавирусот не постои да не бараат да ги чуваме во болница 50 – 60 дена. Не е фер кон лекарите и државата- рече Вучиќ.

Извор: Бета.рс