Во локали во тетовско годинава приведени 124 странски државјанки, повеќето се од Србија и Албанија
За девет месеци откриени се 124 странски државјанки кои нелегално престојувале и работеле, пред сѐ, во угостителски објекти во тетовскиот регион. Жените се претежно од регионов (околу две третини од нив се од Албанки или од Србија), но и од подалечни држави, јави дописникот на МИА.
Тие се откриени во редовни активности што ги презема тетовската полиција за откривање и законско санкционирање на странски државјани, односно „државјанки кои непријавено престојуваат или работат на подрачјето, најчесто во угостителски објекти“, велат од СВР Тетово.
– Во изминатите девет месеци од годинава биле затекнати вкупно 124 странски државјанки, најмногу од Република Албанија (55), Република Србија (26), Русија (20), Украина (10) и од уште седум други европски држави, од соседството и пошироко. Од затекнатите, 58 женски лица странски државјанки или го немале законски регулирано нивниот престој или престојувале спротивно на целта, односно го злоупотребиле претходно пријавениот туристички престој, со што постапиле спротивно на Законот за странци, изјави Марјан Јосифоски, портпарол на СВР Тетово.
Поради овие прекршувања на законските одредби, СВР Тетово во овој период изготви 13 барања за поведување на прекршочна постапка против 58-те странски државјанки до основните судови во Тетово и Гостивар.
Над 56 килограми разни видови дрога се откриени и одземени годинава во Тетовско и Гостиварско