Во Гевгелија и Дојран утрово најтопло, најмногу врнежи во Скопје – Петровец
Во Гевгелија и Дојран утринава до 08:30 часот измерени се 21 степен, најсвежо е во Берово, 10 степени. Од УХМР информираат дека во изминатите 24 часа најмногу дожд наврнал во Скопје-Петровец, шест литри на метар квадратен, а најмалку на Зајчев Рид, Крива Паланка и Берово – еден литар на еденица површина. Во Виница, пак, се измерени четири литри на метар квадратен.
Но, како што информира УХМР, овие вредности за количините врнежи се од дождомерните места. Поради локалноста на процесите, водниот талог многу варира и во различни делови количината може да е многу поголема од измерената.
Времето денеска ќе биде претежно сончево и многу топло. Ќе дува слаб до умерен ветер претежно од северозападен правец. Максималната температура ќе биде во интервал од 33 до 40 степени. УВ индексот ќе изнесува 9. Во Скопје сончево и многу топло со слаб до умерен променлив ветер. Максималната температура ќе достигне 38 степени.