12 C
Скопје

Во февруари јавна расправа: Дали Водно ќе се прогласи за заштитено подрачје?

Министерството за животна средина најави дека годинава ќе заврши процесот на прогласување на планината Водно за заштитено подрачје откако претходно нацрт одлуката за прогласување ќе помине низ јавна расправа, на која своите забелешки ќе можат да ги дадат екологистите и другите заинтересирани страни.

Ресорното министерство (МЖСПП) ги најави јавните расправи за почетокот на февруари.

Во ноември лани Владата на Република Северна Македонија ја разгледа и усвои Информацијата и донесе Одлука за прифатливост на предлогот за прогласување на дел од Водно за заштитено подрачје во категорија V – Заштитен предел, со која го задолжи министерството да спроведе јавна расправа по предлогот, да го изготви конечниот акт за прогласување на дел од Водно за заштитено подрачје во категоријата V – Заштитен предел и конечниот предлог да го достави до Владата на усвојување.

Прочитајте и...  Ковид-19 во Хрватска: Нови 394 пациенти, починаа 11 лица

Со прогласувањето на дел од Водно за заштитено подрачје во категорија заштитен предел ќе се овозможи: заштита, зачувување и одржливо користење на природните вредности, назначување на субјект за управување кој ќе се грижи за заштитеното подрачје, како и донесување на План за управување, велат од Министерство за животна средина.

За заштита на Водно веќе неколку години се кршат копја помеѓу еколошките здруженија, од една, и Владата и Град Скопје, од друга страна, особено откако екологистите во 2018 година се обидоа да ја спречат изградбата на гасоводот преку сртот на Водно. Тие во повеќе наврати се спротиставија на предложениот обем и степен на заштита на Водно, барајќи таа да биде насочена кон спречувањето на неговото уништување и прекумерна урбанизација.

Прочитајте и...  Даниловски: До лето или до есен во земјава ќе се стекне колективен имунитет

Предлог актот е достапен за увид и коментирање на веб страницата на МЖСПП и на Единствениот национален електронски регистар на прописи на РСМ (ЕНЕР), а јавна расправа по предлог актот ќе се одржи помеѓу 1 и 5 февруари 2021 година, со дополнителна најава.

Мислења, забелешки и сугестии можете да се достават на електронската адреса: [email protected] .

 

 

Поврзани вести

Заев и Николовски во офанзива против корупцијата: Нема веќе чување предмети во фиоки, да не ни се случуваат „Панами и Белизиња“

Лука Андреев

Во Романија изречени затворски казни за поранешна министерка и ќерката на Басеску

Слободен печат

Мишел: Недвосмислена поддршка на ЕУ за суверенитетот на Украина

Слободен печат

Вакцинирани 2680 здравствени работници, над 118 илјади граѓани се пријавиле за вакцинација против ковид-19

Слободен печат

Џо Бајден му честиташе 90-ти роденден на Михаил Горбачов

Слободен печат

ГАЛЕРИЈА: Смрдеа од човечки измет се шири околу Универзитетската библиотека, раководството вели не сме моќни против граѓаните

Остави Коментар