ВМРО-ДПМНЕ: СДСМ одбива во Собрание да дискутира за несреќата во Тетово

ВМРО-ДПМНЕ/ Фото: Скриншот

„СДСМ скандалозно одбива во Собрание да се дискутира за несреќата во Тетово, веројатно мислат дека ако забошотат граѓаните ќе заборават“, се вели во соопштение кое попладнево го испрати ВМРО-ДПМНЕ.

„Дрското манипулирање со народот продолжува од страна на СДСМ. Од лажните оставки, сега нелогично гласаа против расправа во Комисијата за труд и социјална политика. Пратениците од власта бегаат од соочување на аргументи за несреќата и не сакаат да достават никакви информации за трагедијата во која изгореа 14 луѓе, а го одбија и предлогот да се формира анкетна комисија. Граѓаните треба да бидат свесни дека ваквиот однос на пратениците од власта е согласување со ставот на Заев за кого несреќата е банална“, велат од партијата.

„За СДСМ поважно е да се дискутира дали недела ќе биде неработен ден, отколку да се преземе одговорност и расчисти огромната трагедија во која живи изгореа наши сограѓани. Ваквиот потег на пратениците од власта говори дека СДСМ нема никакви морални принципи, туку е водена од ниските страсти за личните интереси и заштита на одговорните лица“, додаваат од ВМРО-ДПМНЕ.

Видео на денот