ВМРО-ДПМНЕ по вчерашниот Централен комитет: Промени во партијата за победа над мафијата
Новите одлуки на Централниот комитет на ВМРО-ДПМНЕ единствено не им се допаѓаат на Заев и хотелската коалиција која одработува за него, се наведува во кусото соопштение на партијата по синоќешниот состанок на Централниот комитет.
– Не ни очекуваме да ги поздрават одлуките, затоа што тие се насочени кон победа над мафијата и организираниот криминал на власта, порачуваат од опозициската партија.
За разлика од Заев, велат од ВМРО-ДПМНЕ, кој не најде сила за никакви промени по драматичниот пораз од 200.000 гласови разлика во 2014 година и поразот во 2016 година, ВМРО-ДПМНЕ покажа сила за катарза и промени.
Централниот комитет едногласно го одби мојот предлог за свикување на вонреден конгрес на кој што нема да се кандидирам и со тоа ми даде полн легитимитет да продолжам да раководам со ВМРО-ДПМНЕ, Игор Јанушев се повлече од местото Генерален секретар на партијата, а Вело Марковски нов член на Извршниот комитет, изјави вечерва лидерот на ВМРО-ДПМНЕ Христијан Мицкоски.
Нема вонреден конгрес на ВМРО-ДПМНЕ, Мицкоски останува лидер на партијата (ВИДЕО)