УХМР информира дека утре, под влијание на влажен бран, ќе биде облачно со врнежи од дожд кои особено во западните и јужните делови од земјата ќе бидат пообилни, наместа над 20 литри на метар квадратен, поројни и проследени со грмежи и засилен ветер и над 60 километри на час.

Ветерот долж Повардарието ќе засилува и во среда.

Во среда и четврток ќе има локална појава на повремено пороен дожд и грмежи, а потоа следи период на претежно стабилно и постепено потопло време.

Актуелните временски услови со променлива облачност и врнежи се очекува да ја зголемат влагата во почвата која им е неопходна на житните култури, овошните видови и виновата лоза. Агрометеоролозите препорачуваат земјоделските производители да продолжат со активностите и грижата на посевите.

Неопходно е, додаваат, да се расчистат и одводните канали за полесно одлевање на површинските води.

-Под влијание на серија влажни бранови времето ќе биде променливо облачно, наместа со врнежи од дожд. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка. Ваквите временски услови, со нови врнежи од дожд, се очекува да ја подобрат состојбата на влага во почвата, која е потребна кај житните култури, кај овошните видови, кај виновата лоза. Обезбеденоста со вода е многу важен услов за нормален раст и развој кај сите култури. Исто така и есенските посеви продолжуваат со развој за што им е потребна висока влага. Водата исто така е неопходна и за останатите култури, поради нивниот интензивен развој има и поголема потрошувачка на вода, велат агрометеоролозите од УХМР.