Синдикатот за образование, наука и култура остави рок од 15 дена за власта да им ги зголеми платите, а покачувањето да важи од први јануари. Власта, ден откако СОНК најави штрајк за 11 ноември, со став дека штрајкот не е решение.

Премиерот Зоран Заев очекува преку дијалог да се најде решение за барањата на вработените во образованието, за да нема штрајк.

– Верувам дека ќе се најде решение, треба да имаат разбирање. Ќе напоменам, ние како Влада, двпати ги зголемивме платите. Во 2018 за 5 отсто, во 2019 уште 5 отсто во октомври. Понудивме решение за мартовската плата кое ќе се исплати во април и тоа е сериозно решение. Сите сакаме, ако го можеме тоа, до 100, до 200 отсто зголемување, но капацитетите мора да бидат разбирливи за сите – изјави Заев.

Ресорниот Министер, Арбр Адеми најави дека од понеделник ќе ги покани претставниците на синдикатот на средба за да разговараат околу барањата. Тој, исто како премиерот е оптимист дека нема да се штрајкува.

Адеми: Ќе ги поканиме СОНК на нови разговори

Од СОНК вчера информираа дека за членството е неприфатлива владината понуда за 10 отсто зголемување на платите на наставниците во основното, средното и високото образование од април 2020 година.

Наставниците нема да примаат деца, родители снаоѓајте се од 11 ноември